திருப்புத்தூர் நவ:14 சிவகங்கை மாவட்டம் திருப்புத்தூர் பாபா அமீர் பாதூஷா மெட்ரிக் மேல்நிலைப் பள்ளியில் குழந்தைகள் தின விழா கொண்டாடப்பட்டது. இப்பள்ளியின் துணை முதல்வர் எஸ்.கனகா வரவேற்புரையாற்றினார். பள்ளியின் தாளாளர் ஹாஜி லயன். பாபா அமீர் பாதூஷா தலைமை உரையாற்றினார். இவ்விழாவிற்கு சிறப்பு விருந்தினராக கலந்து கொண்ட திருப்புத்தூர் பேரூராட்சி துணைத் தலைவர் கான் முகமது குழந்தைகள் தின விழாவினை பற்றி எடுத்துரைத்தார். கௌரவ விருந்தினராக கலந்து கொண்ட வர்த்தகர் சங்கத் தலைவர் அந்தோணிராஜ் குழந்தைகள் தின விழாவினை பற்றி உரையாற்றினார். பசுமை பாரத அமைப்பு தலைவர் ஆர்.எம். சிவசாமி குமார், ஜுவல்லரி அசோசியேஷன் செயலாளர் வி.சண்முகநாதன் இவ்விழாவில் கலந்து கொண்டனர். பள்ளியில் நடைபெற்ற நீடித்த பாதுகாப்பான நீர் மேலாண்மை என்ற தலைப்பில் ஆய்வு அறிக்கை சமர்ப்பித்தல் நிகழ்ச்சி நடைபெற்றது. இவ்விழாவில் வெற்றி பெற்ற மாணவர்களுக்கு சான்றிதழ்கள், கேடயம் மற்றும் பரிசு பொருள்கள் வழங்கப்பட்டது. துளிர் திறனறிவு தேர்வில் பங்கு பெற்ற அனைத்து மாணவர்களுக்கு சான்றிதழ்கள் வழங்கப்பட்டது. அதனை தொடர்ந்து மாணவர்களின் கலை நிகழ்ச்சிகள் நடைபெற்றது. மாணவர்களுக்கு இனிப்புகள் வழங்கப்பட்டன. விருந்தினர்கள் கௌரவிக்கப்பட்டனர். இவ்விழாவினை பள்ளியின் ஆசிரியர் எஸ். மெஹர் பானு ஒருங்கிணைத்தார். பள்ளியின் ஆசிரியர் எஸ்.சந்தான லெட்சுமி நன்றி கூறினார்‌..