திருப்புத்தூர் நவ : 14 சிவகங்கை மாவட்டம் திருக்கோஷ்டியூர் ஊராட்சிக்கு உட்பட்ட தானிப்பட்டி அருகே உள்ள ஒத்தப்பட்டி கிராமத்தில் 35 க்கும் மேற்பட்ட குடும்பத்தினர் சுமார் 60 ஆண்டுகளுக்கு மேலாக வசித்து வருகின்றனர். விறகு வெட்டும் தொழில் மற்றும் விவசாய தொழில் செய்து வரும் இக்கிராமத்தினர் தங்கள் கிராமத்திற்கு சென்று வர சாலை வசதி இல்லாததால், கிராமத்தில் அமைந்துள்ள வில்லூர் கண்மாய் வழியாக சென்று வந்தனர். மழை பெய்து கண்மாய் நிரம்பினால், கண்மாய் கரையில் சகதியில் அவதியோடு பயணித்து வந்தனர். கரை முழுவதும் சகதியாய் இருப்பதால் பெண்கள் வயதானவர்கள் நடந்து செல்ல முடியாமல் மிகுந்த சிரமத்திற்கு உள்ளாகி வந்தனர். பள்ளிக்கு செல்லும் மாணவர்கள் சைக்கிள்களில் செல்ல முடியாமல், புத்தகப் பையை தோளில் மாட்டியபடி, காலில் அணிய வேண்டிய செருப்பை சைக்கிளில் பின்புறம் வைத்து உருட்டிக்கொண்டு, மிகுந்த சிரமபட்டு செல்கின்றனர். பின்பு தானிப்பட்டியில் உள்ள தண்ணீர் தொட்டியில் சைக்கிளில் படிந்த சகதிகளையும், காலில் உள்ள சகதிகளையும் பல மணி நேரம் போராடி அகற்றிவிட்டு அதன் பின்பு பள்ளிக்குச் சென்றனர். இதில் பெண் பிள்ளைகள் சைக்கிளை உருட்ட முடியாமல் தவிக்கும் பொழுது அந்த வழியாக செல்லும் இளைஞர்கள் சிலர் சைக்கிளை தூக்கிக் கொண்டு வந்து உதவி செய்து அவர்களை பள்ளிக்கு அனுப்பி வைப்பர். கண்மயில் தண்ணீர் நிரம்பி கரை முழுவதும் சகதியானதால் 11, 12ம் வகுப்பு படிக்கும் மாணவர்கள் மட்டும் பள்ளிக்குச் செல்வர். தொடக்கப்பள்ளி, நடுநிலை, உயர்நிலைப்பள்ளிகளில் பயிலும் மாணவர்கள் யாரும் பள்ளிக்குச் செல்வதில்லை. மாணவர்களுக்கு இந்த நிலைமை என்றால், இந்த கிராமத்தில் வாழும் கர்ப்பிணி பெண்கள், முதியவர்கள், உடல்நிலை சரியில்லாதவர்கள் போன்றவர்களின் நிலைமை மிகவும் மோசமானதாக இருந்து. ஆட்டோ, ஆம்புலன்ஸ், தீயணைப்பு வண்டி, என எந்த ஒரு அவசர ஊர்தியும் இந்த கிராமத்திற்குள் செல்ல முடிவதில்லை. பாம்புகள் உள்ளிட்ட விஷ பூச்சிகள் கடித்தாலும்கூட அவர்களை கட்டிலில் வைத்து சுமார் 2 கி.மீ தூக்கி சென்று, அதன் பிறகு அங்கிருந்து ஆம்புலன்ஸ் மற்றும் ஆட்டோ உள்ளிட்ட வாகனங்களில் அழைத்துச் செல்லக்கூடிய பரிதாப நிலை ஏற்பட்டிருந்தது. இந்நிலையில் இந்த கிராமத்திற்கு சாலை அமைக்கும் பணியில் ஒன்றிய கவுன்சிலர் இராமேஸ்வரி கருணாமூர்த்தி மிகவும் முயற்சி செய்து வந்தார் 2019 இல் இருந்து 2025 வரை பல்வேறு அதிகாரிகளை சந்தித்து இரண்டு மாவட்ட ஆட்சியர்களையும் சந்தித்தும், 5 ஆண்டுகளாக ஊராட்சி ஒன்றிய அலுவலகத்தில் மாதாந்திர கூட்டத்தில் தீர்மானம் நிறைவேற்றுதல், சென்னை வரை சென்று இந்த கிராமத்திற்கு சாலை வர அரும்பாடுபட்டார். நீண்ட போராட்டத்திற்குப் பிறகு மகாத்மா காந்தி தேசிய ஊராக வேலைவாய்ப்பு திட்டன் கீழ் ரூபாய் 30 லட்சம் மதிப்பீட்டில், 1360 - மீ நீளமும், 3 மீட்டர் அகலமும் கொண்ட மெட்டல் சாலை போடப்படுவதற்கான பூமி பூஜை விழா நடைபெற்றது. சாலை போடும் இடத்தில் சாமி கும்பிட்டு, சந்தனம், பொட்டு, வைத்து, மலர்கள் தூவி, சூடம் ஏற்றி இறைவழிபாடு செய்த கிராம மக்கள் பூமி பூஜை விழாவில் மகிழ்ச்சியோடு கலந்து கொண்டனர். இந்த நிகழ்ச்சியில் திருப்புத்தூர் ஊராட்சி ஒன்றியம் உதவி செயற்பொறியாளர் குமாரன், ஒப்பந்தகாரர் ஓலக்குடி பாலா, ஊராட்சி ஒன்றிய செயலாளர் சாந்தி, உதவியாளர் ராஜேஸ்வரி, தானிபட்டி முன்னாள் ஊராட்சி மன்ற தலைவரும், பெரிய கண்மாய் பாசான தலைவருமான முத்துகிருஷ்ணன், முன்னாள் திருப்புத்தூர் சேர்மன் கரு.சிதம்பரம், திமுக நிர்வாகி கருணாமூர்த்தி, முன்னாள் ஊராட்சி மன்ற தலைவர் பேராசிரியர் சுப்பிரமணியன், முன்னாள் ஊராட்சி மன்ற துணை தலைவர் சாேமசுந்தரம், திருக்கோஷ்டியூர் கண்ணன், கிராம முக்கியஸ்தர்கள் இளையராஜா, சக்திவேல், செல்வம், சேது, சிங்காரம், பாஸ்கரன், துரைமுருகன், செந்தில்குமார், கருப்பையா, சரவணன் மற்றும் ஒத்தப்பட்டி சின்னகருப்பன், பெரிய கருப்பன், கவிதா, சீதாலெட்சுமி, காளையார், ஆறுமுகம், கார்த்திக் மற்றும் தானிப்பட்டி, ஒத்தப்பட்டி கிராம பொதுமக்கள் கலந்து கொண்டனர். விழா ஏற்படுகளை முன்னாள் ஒன்றிய கவுன்சிலர் இராமேஸ்வரி கருணாமூர்த்தி செய்திருந்தார்..